Nodeems d'Lëtzebuerger Sprooch, no der Reform vun 1999, u Bedeitung gewonnen hat an duerch déi néi Medien (Internet, SMS) och nees méi geschriwwe gëtt, war et un der Zäit eis Sproch ze revaloriséieren.

D'Lëtzbuerger Sprooch ass eng vun den Haaptkonditioune gi fir kënnen duebel Nationalitéit ze kréien. Et ass och e Cours op der Uni Lëtzebuerg agefouert ginn, fir Leit déi spéider wëlle Lëtzebuergesch ënnerriichten. Wat awer nach feelt, ass d'Lëtzebuergescht am Aarbechtalldag anzeféieren.

Während et am Alldag nëmme lästeg ass, iwwerall mussen an enger Friemsprooch a sengem Land mussen ze schwätzen, ginn et Situatiounen an deenen et souguer negativ Konsequenze kann hunn, ech dengen hei un enger Visite an der Klinik, wou ee schonns gestresst ass a sech dann nach muss ploe säi Problem an enger Friemsprooch ze erklären, oder eng Ënerriedung mat engem Handwierker wou et em technesch Froe geet, etc...

Net ze vergiessen, all déi Leit, déi Ufank der 30er Joere gebuer goufen, während hirer Schoulzäit, duerch de Krich, joerelaang kee Franséisch haten a mat 14 Joer schaffe gaange sinn, déi Leit doe sech schwéier wann se musse Franséisch schwätzen.

Ass et falsch ze verlaangen, dass wann een akafe geet, een dat a senger Mammesprooch ka maachen?

Ech schloe fir dass jiddwereen, deen zukënfteg zu Lëtzebuerg schafft, Lëtzebuergesch muss kennen.

Leider kann een et net retroaktiv maache fir déi Leit déi schonns hei schaffen, dëst aus logistesche Grënn. Mir kënnen awer soen dass an Zukunft ee muss dee selwechte sproolechen Niveau (A2) muss hunn, wéi dat verlaangt ass fir kënnen duebel Nationalitéit ze kréien.

Heifir misst eng Schoul gegrënnt ginn, mat ca. 50 Säll, wou een eis Sprooch kinnt léieren, dat ganzt kinnt z.B. ënnert der Leedung vum "Centre de Langues" gemaacht ginn. Well een zu Lëtzebuerg schaffen, muss ee fir d'éischt während 1 Joer, 6 Stonnen d'Woch Lëtzebuergesch léieren.

Et ass mer wuel bewosst dass, et 10 bis 20 Joeren dauere giff, ier een dobaussen den Effekt mierkt, mee wa mer näischt maachen, gëtt et nëmme méi schlëmm.

Mat dëser Petitioun verlaange mer vun eise Politiker e Projet de loi auszeschaffen, deen dorop baséiert ass den Aarbechtssichenden dozou unzehale Lëtzebuergesch ze léieren, him awer och Méiglechkeet gëtt dat esou séier an esou gutt wéi méiglech kënnen ze maachen.

Ech soen Iech Merci, a bieden Iech des Informatioune weider ze ginn.

Pol LUDIG
Mënjecker

P.S. Dat léien ass eng Petitiounslëscht déi sech op enger englesch sproochlecher Säit befënnt, dofir si verschidde Saachen op Englesch. Leider sinn ech net esou gutt an der Informatik, dass ech selwer esou ee Script hätt kinnte programméieren.


Added On (2008-04-28):

Ech wollt nëmmen nach eng Kéier widderhuelen, dass dëst Gesetz keng Auswierkungen hätt op eis Ekonomie a schons guer net Frontalieren giff betreffen déi am Moment zu Lëtzebuerg schaffen. Dat Gesetz giff fir déi Leit gëllen, déi an Zukunft bei eis schaffe wëllen.
Dat nëmmen, well ech Maile kruut wéi dës: "...da kënne mer direkt Dieren zou maachen, well mer da muer 100.000 Aarbechtkräfte manner hätten."
Ech bieden déi kritesch Leit, w.e.g. liest den Text genau!

Merci villmols

... more on Civil & Human Rights

Petition Details Target: Chambre des Députés Category: Civil & Human Rights Total Signatures: 662 Signatures Goal: as many as possible    View Signatures    Send It To Friends    Contact Creater Of This    Print Preview    Make Signature

Sign this Petition

Name:    Email:    (Your email will stay hidden.)    Remember Me:    I Support This:    Comments: